ინფორმაციას ამის შესახებ ცენტრის ხელმძღვანელი თავად ავრცელებს.

რატომ არის მნიშვნელოვანი: ბოლო პერიოდია, სააკაშვილის ოჯახის წევრები და ადვოკატები ექსპრეზიდენტის ჯანმრთელობის მდგომარეობის გაუარესებაზე აქტიურად საუბრობენ.

  • 8 ნოემბერს ადვოკატმა განაცხადა, რომ სააკაშვილს დემენციის დიაგნოზი აქვს, ასევე, დაუდგინდა ტუბერკულოზის ჩხირიც.
  • მოგვიანებით, დააზუსტა, რომ ორივე დიაგნოზი სავარაუდოა.

დეტალები: ჯიშკარიანის თქმით, დასკვნა ითარგმნება და უცხოელ ექსპერტებს გადაეცემა და აღნიშნავს, რომ ის ექსპრეზიდენტის პატიმრობიდან გათავისუფლების კრიტერიუმებს ესადაგება.

  • "ექსპერტთა ჯგუფს მიაჩნია, რომ მისი დიაგნოზები, რომელიც ძირითადად პატიმრობაში განვითარდა შეუთავსებელია პატიმრობასთან".
  • "იგი სასწრაფოდ საჭიროებს სრულყოფილ დიაგნოსტიკას და მკურნალობას", — წერს ჯიშკარიანი.

არქივიდან: სააკაშვილმა დაპატიმრების შემდეგ შიმშილობა ორჯერ გამოაცხადა. პირველი, 50-დღიანი შიმშილობა მან 19 ნოემბერს, გორის სამხედრო ჰოსპიტალში გადაყვანის შემდეგ შეწყვიტა.

  • მეორედ ექსპრეზიდენტმა შიმშილობა 21 თებერვალს დაიწყო, მე-20 დღეს კი შეწყვეტის მიზეზად უკრაინის მთავარსარდლობის თხოვნა დაასახელა.