შეურაცხმყოფელი ტერმინი ქართული ოცნების დეპუტატმა ჯინ შაჰინის მისამართით გამოიყენა, როცა ჟურნალისტი სენატორის კრიტიკულ განცხადებაზე ეკითხებოდა.

რატომ არის მნიშვნელოვანი: სენატორმა შაჰინმა დღეს თქვა, რომ საქართველოს უდიდესი უკუსვლა აქვს და დროა, იფიქრონ სტრატეგიის გადახედვაზე.

  • ამ განცხადებას მალევე მოჰყვა ქართული ოცნების დეპუტატების საპასუხო კომენტარები.
  • "ამიტომაც არის, რომ დაკარგეს დემოკრატებმა კონგრესში უმრავლესობა, ასეთი არასწორი და არასამართლიანი მიდგომის გამო", — ამბობდა ზარქუა.

დეტალები: მედიებმა გაავრცელეს ნაწყვეტი, სადაც ისმის, რომ შაჰინთან დაკავშირებით ჟურნალისტის კითხვას, მოჰყვება დეპუტატის რეპლიკა: "ჩათლახი, მერე?"

  • On.ge შეეცადა დეპუტატთან დაკავშირებას, თუმცა მან ჩვენს ზარებს არ უპასუხა.
  • გარდა ამისა, ზარქუამ შაჰინის განცხადების შეფასებისას აღნიშნა, რომ ასეთი არასწორი და უსამართლო მიდგომების გამო დაკარგეს დემოკრატებმა უმრავლესობა სენატში და ის ევროპარლამენტარ კუბილიუსს შეადარა, რომელსაც მუდმივად აკრიტიკებს.
  • შაჰინის განცხადებას გამოეხმაურა ირაკლი კობახიძეც და თქვა, რომ აშშ-დან დაფინანსების შეწყვეტაზე NGO-ებმა უნდა ინერვიულონ.
  • "დაფინანსების უდიდესი ნაწილი მიდის NGO-ებზე, ამიტომ ჩვენთვის ეს ნაკლებად არის საინტერესო. ჩვენთვის უსამართლო კრიტიკას არ აქვს ფასი", — თქვა კობახიძემ.

განახლება: დეპუტატმა დაპოსტა, რომ სენატორის შეურაცხყოფის მიზანი არ ჰქონია და სხვა კონტექსტში ხუმრობდა ჟურნალისტებთან. ზარქუას თავისმართლების სრულად წაკითხვა შეგიძლიათ აქ.