ამის შესახებ ინფორმაციას პოლონური გამოცემა Polsat News ავრცელებს.

რატომ არის მნიშვნელოვანი: აშშ-ის დაზვერვის მაღალჩინოსნის თქმით, რუსული რაკეტების NATO-ს წევრ ქვეყანაში ჩამოგდების შედეგად, 2 ადამიანი დაიღუპა.

  • პოლონური მედიის ცნობით, პრემიერმინისტრმა, მატეუშ მორავიეცკიმ მინისტრთა საბჭოს ეროვნული უსაფრთხოებისა და თავდაცვის კომიტეტის სხდომა მიიწვია.
  • ეროვნული უშიშროების შეკრების მიზეზი ჯერჯერობით არ სახელდება, თუმცა მთავრობის სპიკერმა თქვა, რომ ლიდერები "კრიზისულ სიტუაციაზე" სასაუბროდ ხვდებიან.

დეტალები: რადიო Zet-ის კორესპონდენტი არაოფიციალურად იტყობინება, რომ ორი რაკეტა უკრაინის საზღვრის მახლობლად, ერთ-ერთ სოფელში ჩამოვარდა და მარცვლეულის საშრობებს მოხვდა.

  • ვრცელდება ინფორმაცია, რომ შემთხვევის ადგილას პროკურატურისა და პოლიციის წარმომადგენლები მივიდნენ.

დღეს, 15 ნოემბერს ოკუპანტებმა ერთდროულად უკრაინის რამდენიმე ქალაქსა და რეგიონზე მიიტანეს იერიში.

  • უკრაინის საჰაერო სარდლობის ცნობით, რუსეთმა უკრაინის მიმართულებით 100 რაკეტა გაისროლა.
  • დაზიანებულია საცხოვრებელი სახლები და ენერგეტიკული ინფრასტრუქტურა.
  • პრეზიდენტის ოფისის განცხადებით, უკრაინის 7 მილიონ მოქალაქეს ელექტროენერგია არ მიეწოდება.