კრემლის პრესსპიკერმა, დიმიტრი პესკოვმა ამის შესახებ ჟურნალისტებთან ისაუბრა.

რატომ არის მნიშვნელოვანი: ქალაქი ხერსონი ოკუპანტებისაგან სრულად გათავისუფლდა და იქ დღეს, 14 ნოემბერს უკრაინის პრეზიდენტიც ჩავიდა. ოფიციალურად აღმართეს უკრაინის დროშაც.

  • ხერსონი სტრატეგიული და სიმბოლური მნიშვნელობისაა, რუსეთმა ამ რეგიონის ანექსია გამოაცხადა, რაც კრემლისთვის იმას ნიშნავს, რომ ახლა რუსეთი "თავის ტერიტორიაზე" დაიხია უკან.

დეტალები: პესკოვმა უარი თქვა კომენტარი გაეკეთებინა უკრაინის პრეზიდენტის, ვოლოდიმირ ზელენსკის ხერსონში ჩასვლაზე.

  • თუმცა ანექსირებულად გამოცხადებულ რეგიონზე კიდევ ერთხელ გაიმეორა, რომ ის რუსეთის ტერიტორიაა.

კრემლმა ხერსონის გათავისუფლებამდეც არ იცოდა, რა საზღვრებში "მიიერთეს" ზაპოროჟიესა და ხერსონის რეგიონები.

  • 3 ოქტომბერს პესკოვი ამბობდა, რომ მოსკოვი კონსულტაციებს გააგრძელებს რეგიონების მოსახლეობასთან, რა საზღვრებით "შევიდნენ" ისინი რუსეთის ფედერაციაში.