ამის შესახებ ტელეგრამზე ხერსონის რეგიონული ადმინისტრაციის ხელმძღვანელის, იაროსლავ იანუშევიჩი წერს.

რატომ არის მნიშვნელოვანი: 9 ნოემბერს, რუსეთის თავდაცვის მინისტრმა, სერგეი შოიგუმ "რთული გადაწყვეტილება" მიიღო და ხერსონიდან სამხედრო ტექნიკის და პერსონალის გაყვანის ბრძანება გასცა.

  • 11 ნოემბერს კი უკრაინის მთავარმა სადაზვერვო სამსახურმა გაავრცელა განცხადება, რომ ხერსონი უკრაინის კონტროლის ქვეშ დაბრუნდა.
  • რუსეთმა ხერსონის ანექსია აქვს გამოცხადებული და საკუთარ ტერიტორიად მიიჩნევს — ამიტომ ჯარების გაყვანა "საკუთარი" ტერიტორიის დათმობას ნიშნავს.

დეტალები: იანუშევიჩი წერს, რომ ხერსონის მარჯვენა სანაპიროზე მტრის შეტევის დიდი ალბათობა რჩება.

  • "რუსული არმია როცა გარბის, უიმედობისგან მშვიდობიან ხალხთან ბრძოლას იწყებს, ეს არაერთხელ გვინახავს ბევრ გათავისუფლებულ დასახლებაში".

განცხადებაში ნათქვამია, რომ მტერმა გაქცევამდე სერიოზული ზიანი მიაყენა კრიტიკულ ინფრასტრუქტურას, რომელიც მოსახლეობას სითბოთი, წყლითა და ელექტროენერგიით უზრუნველყოფდა.

  • "ამიტომ, ჩვენ გირჩევთ ევაკუაციას უფრო უსაფრთხო რეგიონებში. ევაკუაციის შემდეგ თქვენ არ დარჩებით მარტო თქვენს პრობლემებთან, მიიღებთ დახმარებას;
  • "ხერსონის ოლქის მაცხოვრებლებო, გთხოვთ, შეხედოთ ამას რაც შეიძლება სერიოზულად, იზრუნეთ საკუთარ თავზე. მთელი ხერსონი აუცილებლად თავისუფალი იქნება და ყველა აუცილებლად დავბრუნდებით სახლში".