ამის შესახებ სერგეი სუროვიკინმა კრემლის პროპაგანდისტულ მედიასთან ინტერვიუში ისაუბრა.

რატომ არის მნიშვნელოვანი: სუროვიკინი ომში მონაწილე რუსული ჯარების მეთაურად ახლახან დაინიშნა.

  • როგორც Guardian წერდა, მოსკოვს ახლა ესმის, რომ მისი არმია უკრაინაში კოლაფსის საფრთხის წინაშეა.
  • ასევე, ამბობდნენ, რომ სუროვიკინის დანიშვნით, კრემლი, შესაძლოა, იმ ნაციონალისტურ კრიტიკასთან ბრძოლას ცდილობდეს, რომელიც რუსეთის არმიას უკრაინის ომის არასწორ წარმართვაში ადანაშაულებს.

დეტალები: სუროვიკინი ამტკიცებს, რომ ხერსონში უკრაინას შეგნებულად მიაქვს იერიშები ინფრასტრუქტურასა და საცხოვრებელ სახლებზე.

  • მისი თქმით, უპირველეს ყოვლისა, ეს ეხება კუპიანსკის, კრასნოლიმანსკის და ნიკოლაევ-კრივი რიჰის მიმართულებებს.
  • როგორც სუროვიკინი ამბობს, რეგიონში ენერგომომარაგების პრობლემა შეიქმნა.
  • პროპაგანდისტულ მედიასთან ინტერვიუში რუსეთის ჯარების სარდალი ცდილობს, უკრანის წარმატებული კონტრშეტევა და ოკუპანტების უკანდახევა მათი "სტრატეგიით" ახსნას.
  • "ჩვენ არ ვისწრაფვით წინსვლის მაღალი მაჩვენებლებისკენ, ჩვენ ვიცავთ თითოეულ ჯარისკაცს და მეთოდურად „ვფქვავთ“ მტერს. ეს ამცირებს არა მხოლოდ ჩვენს დანაკარგებს, არამედ — მსხვერპლთა რაოდენობასაც მშვიდობიან მოსახლეობაში", — თქვა სუროვიკინმა.
  • მისივე თქმით, არ გამორიცხავენ რთული გადაწყვეტილების მიღებასაც.
  • "ჩვენი შემდეგი გეგმები და მოქმედებები, ქალაქ ხერსონთან დაკავშირებით, დამოკიდებული იქნება შექმნილ სამხედრო-ტექნიკური სიტუაციაზე", - ამბობს სუროვიკინი.