განათლების ცენტრის ორგანიზებითა და ესპანურ IE University-თან, ამერიკულ The Academy of Mathematics and Science-სა და ამერიკულ უნივესიტეტ The Global American University, Schiller-თან თანამშრომლობით 2022 წლის 8 ოქტომბერს 12:00-დან 17:00 საათამდე სასტუმრო "რედისონ ბლუ ივერიაში" გაიმართება განათლების საერთაშორისო გამოფენა, რომელიც უმასპინძლებს 20 უნივერსიტეტს 18 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.

განათლების გამოფენაში მონაწილეობის მისაღებად გთხოვთ, გაიაროთ რეგისტრაცია შემდეგ ბმულზე: https://logos.edu.ge/leaf/

ტიოს გამოყენებითი მეცნიერებების უნივერსიტეტი განკუთვნილია მათთვის, ვისაც აინტერესებს საერთაშორისო ტურიზმი, ბიზნესი ან ივენთ მენეჯმენტი. ჩამოთვლილ სფეროებში ძალიან მნიშვნელოვანია პრაქტიკული ცოდნის მიღება, რომელიც თანხვედრაშია თანამედროვე ტენდენციებთან. ტიო მდებარეობს ჰოლანდიაში. მას გააჩნია რამდენიმე კამპუსი სხვადასხვა ქალაქში: უტრეხტი, ამსტერდამი, ეინდჰოვენში, ჰენგელოსა და როტერდამში. ინგლისურენოვანი პროგრამა მხოლოდ უტრეხტისა და ამსტერდამის კამპუსებზე ისწავლება.

ტიო გასცემს ბაკალავრის დიპლომს ოთხი მიმართულებით: კომერციული ეკონომიკა და მეწარმეობა, სასტუმროსა და ივენთების მართვა, საერთაშორისო ტურიზმი და საერთაშორისო ბიზნესი. ტიოს აქვს ერთი სამაგისტრო პროგრამა ბიზნესის ადმინისტრირების მიმართულებით. უნივერსიტეტში მიმდინარეობს პროექტებზე დაფუძნებული სწავლება. ანუ სტუდენტები სწავლობენ კეთებით და აკადემიური პროგრამა არ შემოიფარგლება მხოლოდ თეორიული ცოდნის გადაცემით. სასწავლო ჯგუფები არის მცირე ზომის, რაც ნიშნავს ინდივიდუალურ ყურადღებასა და სტუდენტების საჭიროებების გათვალისწინებას.

სწავლის წლიური გადასახადი ბაკალავრისა და მაგისტრატურის საფეხურზე შეადგენს 20,995 ევროს. ხოლო მათთვის, ვისაც სასწავლო ვიზა სჭირდება ევროკავშირის ტერიტორიაზე განსაზღვრულია დამატებითი საფასურის გადახდა 11500 ევროს ოდენობით. აღნიშნული თანხა ემატება მხოლოდ პირველი წლის გადასახადს და მოიცავს საერთო საცხოვრებლის ხარჯს, დაზღვვევას, ვიზის ღირებულებასა და შესაბამის საბანკო დეპოზიტს..მეორე კურსიდან სტუდენტებს თავად შეუძლიათ განსაზღვრონ იცხოვრებენ საერთო საცხოვრებელში, თუ დამოუკიდებლად.

ტიო სტუდენტებს აძლევს შესაძლებლობას, რომ მიიღონ დაფინანსებაც მაქსიმუმ 50%-ს ოდენობით. დაფინანსება დამოკიდებულია მაღალ აკადემიურ მოსწრებაზე. დაფინანსება სტუდენტმა ყოველწლიურად უნდა მოიპოვოს. წარმატებული აკადემიური მოსწრების შემთხვევაში სტუდენტს, აკადემიური წლის განმავლობაში, შეუძლია მიიღოს ორი სახის დაფინანსება 10445 EUR და 5225 EUR ოდენობით

თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო “რედისონ ბლუ ივერიაში” 8 ოქტომბერს შუა დღის 12 საათიდან საღამოს 5 საათამდე. შემოგვიერთდით: https://logos.edu.ge/leaf/

LEAF-ის პარტნიორია ცნობილი ბრიტანული კომპანიის QS (Quacquarelli Symonds) საუნივერსიტეტო განაცხადების პლატფორმა QS Student Apply. თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ მარტივი სააპლიკაციო პროცედურით გააგზავნონ განაცხადები დიდი ბრიტანეთის, აშშ-ს, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში.