ნინო ჯანგირაშვილმა ამის შესახებ Facebook-პოსტი გამოაქვეყნა, სადაც აღნიშნა, რომ ტელევიზია "უკიდურესად მძიმე ფინანსურ მდგომარეობაშია".

რატომ არის მნიშვნელოვანი: TV კავკასიაში აცხადებენ, რომ მიმდინარე ფინანსური კრიზისი ტელევიზიის არსებობას რეალურ საფრთხეს უქმნის.

  • "წლების მანძილზე ვცდილობდით შეგვენარჩუნებინა დამოუკიდებელი სარედაქციო პოლიტიკის მქონე მედია";
  • "ვცდილობდით არ ვყოფილიყავით მუდმივად გადარჩენის ზღვარზე, და გვეფიქრა განვითარებაზე, თუმცა, სამწუხაროდ დღეს არასახელისუფლო მედიას საქართველოში ისევ გადარჩენისთვის უწევს ბრძოლა".

დეტალები: ჯანგირაშვილის თქმით, რამდენიმე გრძელვადიან გამოსავალზე მუშაობენ, თუმცა დროის მოკლე მონაკვეთში საზოგადოების დახმარება სჭირდებათ.

  • "მარტოები ვერ დავძლევთ ამ პერიოდს. ქართული ბიზნესის იმედიც არ მაქვს. ვიცი, რომ არარეალური იდეაა ამ ქვეყანაში თავისუფალი მედიის არსებობა, მაგრამ არ ვეშვები მცდელობას";
  • "ნებისმიერი თანხა, თუნდაც 1 ლარი, რომელსაც კავკასიის მხარდასაჭერად გაიღებთ, არის ძალიან მნიშვნელოვანი — როგორც ფინანსურ ექვივალენტში, ასევე გამხნევებისთვის".

თანხის გადარიცხვისთვის გამოყოფილი ანგარიშები იხილეთ სრულად აქ.