როგორც BBC წერს, გადადგომის შესახებ წერილი პარლამენტს ოფიციალური ფოსტით გაეგზავნა.

რატომ არის მნიშვნელოვანი: გოტაბაია რაჯაპაკსას გადადგომას წინ მასობრივი პროტესტი უძღოდა. 9 ივლისს მოქალაქეები პროტესტის ნიშნად პრეზიდენტის და პრემიერმინისტრის რეზიდენციებში შეიჭრნენ.

  • პრეზიდენტი ცოლთან და უსაფრთხოების ორ თანამშრომელთან ერთად სამხედრო თვითმფრინავით მალდივებზე გაფრინდა.
  • გაქცევის წინა დღეებში ის იმალებოდა და პირობა დადო, რომ 13 ივლისს გადადგებოდა.
  • რაჯაპაკსას გაქცევით შრი-ლანკაში მისი ოჯახის მმართველობა დასრულდა, რომელიც ათწლეულების განმავლობაში იყო ქვეყნის სათავეში.

დეტალები: პარლამენტს 30 დღე აქვს, რომ პრეზიდენტის მოვალეობის შემსრულებელს მხარი დაუჭიროს. თუ ასე არ მოხდა დეპუტატებმა ახალი პრეზიდენტის ასარჩევად კენჭისყრა უნდა ჩაატარონ.

  • თანამდებობის დატოვების შემდეგ დემონსტრანტებმა პრეზიდენტის რეზიდენცია დატოვეს, თუმცა აცხადებენ, რომ ბრძოლას გააგრძელებენ.

კონტექსტი: დემონსტრანტები პრეზიდენტ რაჯაპაკსას ადმინისტრაციას ბოლო ათწლეულების განმავლობაში ყველაზე რთულ ეკონომიკურ კრიზისში ადანაშაულებენ.

  • თვეების განმავლობაში მოქალაქეები ებრძოდნენ ელექტროენერგიის ყოველდღიურ შეწყვეტას და საბაზისო ნივთების დეფიციტს, როგორიცაა საწვავი, საკვები და მედიკამენტები.