13 ივლისის მდგომარეობით დონბასში არსებული სიტუაციის შესახებ ინფორმაციას ბრიტანეთის თავდაცვის სამინისტროს დაზვერვა ავრცელებს.

რატომ არის მნიშვნელოვანი: ლისიჩანსკზე კონტროლი ოკუპანტებმა 3 ივლისს დაამყარეს.

  • ამ ტერიტორიების დაკავებას რუსეთი მას შემდეგ ცდილობდა, რაც მათ ომის დაწყების პირველივე დღეებიდან წარუმატებელი შეტევები განახორციელეს;
  • დღეს მათი წინსვლის შეჩერება ნიშნავს, რომ ბრძოლა დონბასისთვის არ გაჩერებულა, ხოლო ოკუპანტებისთვის ხელახალი შეტევების ეფექტურად წარმოება რთულდება.

დეტალები: დაზვერვა მიუთითებს, რომ რუსული ძალების მიერ გამოყენებული მოძველებული საარტილერიო სისტემა, იარაღები და საბჭოთა დროინდელი ტაქტიკა, მათ ძალების სწრაფად აღდგენის საშუალებას არ აძლევს.

  • ბრიტანეთის ცნობით, ლისიჩანსკის აღების შემდეგ წინსვლის შეჩერება საოკუპაციო ძალების შეტევის ტემპს საფრთხეს უქმნის.

არქივიდან: ვოლოდიმირ ზელენსკის თქმით, უკრაინას ლისიჩანსკის დატოვება სამხედროების სიცოცხლეების შესანარჩუნებლად მოუწია.

  • თუმცა ის პირობას დებს, რომ მათი ტაქტიკისა და თანამედროვე იარაღის მიწოდების წყალობით ტერიტორიას დაიბრუნებენ.