მედიაომბუდსმენმა გიორგი მგელაძის, ნინო ჟიჟილაშვილის, სოფო მაისურაძის, გიორგი დარჩიაშვილის, ნინო ბიძინაშვილის, ინგა გრიგოლიას, ნოდარ მელაძის, თამთა დოლენჯაშვილის, თამუნა ჩიხლაძისა და გელა ბოჩიკაშვილის მიმართ უკანონო ფარული მოსმენა-მიყურადების საქმეზე წარადგინა საჩივარი.

რატომ არის მნიშვნელოვანი: განცხადების მიხედვით, მოთხოვნის მიუხედავად, თბილისის პროკურატურამ ჟურნალისტებს დაზარალებულის სტატუსი არ მიანიჭა.

დეტალები: საქმე 2021 წელს გავრცელებულ კრებსებს ეხება სახელმწიფო უსაფრთხოების სამსახურის მიერ, სავარაუდოდ, უკანონო ფარული მოსმენა-მიყურადებისა და თვალთვალის შესახებ.

  • დაახლოებით 58 000-მდე ფაილში ჟურნალისტების, რელიგიურ ორგანიზაციათა წარმომადგენლების, პოლიტიკოსების, სამოქალაქო აქტივისტების, დიპლომატების და სხვა პირთა კერძო კომუნიკაციის, პირადი ცხოვრების შესახებ დეტალურად დამუშავებული ინფორმაციაა.
  • ჩანაწერების ავთენტურობა ბევრმა ადამიანმა, მათ შორის, ჟურნალისტებმაც დაადასტურეს.

კონტექსტი: საჩივრის საფუძვლები ევროპარლამენტის 2022 წლის 9 ივნისის რეზოლუციაში, სადაც საქართველოს ხელისუფლებას მოუწოდებენ ჩაატაროს ეფექტიანი გამოძიება მოსმენების საქმეზე.

ფართო სურათი: მედიაომბუდსმენი აცხადებს, რომ საქმის წარმატებული წარმოება მედიის უფლებების დაცვის საქმეში მნიშვნელოვან ცვლილებებს გამოიწვევს.

ამას გარდა, მათივე ცნობით, მალე ადამიანის უფლებათა ევროპულ სასამართლოში ხატია შამანაურის სარჩელიც გაიგზავნება.