პრეზიდენტი გოტაბაია რაჯაპაკსა ცოლთან და უსაფრთხოების ორ თანამშრომელთან ერთად სამხედრო თვითმფრინავით მალდივებზე გაფრინდა.

რატომ არის მნიშვნელოვანი: 9 ივლისს მოქალაქეები პროტესტის ნიშნად პრეზიდენტის და პრემიერმინისტრის რეზიდენციებში შეიჭრნენ.

  • ამ დღეების განმავლობაში პრეზიდენტი იმალებოდა და პირობა დადო, რომ 13 ივლისს გადადგებოდა.
  • რაჯაპაკსას გაქცევით შრი-ლანკაში მისი ოჯახის მმართველობა დასრულდა, რომელიც ათწლეულების განმავლობაში იყო ქვეყნის სათავეში.

დეტალები: როგორც BBC წერს, რაჯაპაკსა არ დარჩება მალდივებზე და აპირებს მესამე ქვეყანაში გამგზავრებას.

  • მისმა ძმამ, ყოფილმა ფინანსთა მინისტრმა, ბასილ რაჯაპაკსამ ასევე დატოვა შრი-ლანკა და გავრცელებული ინფორმაციით აშშ-ში მიემგზავრება.
  • BBC წერს, რომ პრეზიდენტს თანამდებობიდან წასვლამდე სურდა საზღვარგარეთ გაქცევა, რათა თავიდან აეცილებინა ახალი ადმინისტრაციის მიერ პატიმრობა.

მოსახლების თქმით, ყოფილი პრეზიდენტის გაქცევამ გააჩინა იმედი, რომ მომავალში შრი-ლანკა საბოლოოდ შეძლებს, გახდეს ეკონომიკურად და სოციალურად განვითარებული ქვეყანა.

  • ისინი პრეზიდენტ რაჯაპაკსას ადმინისტრაციას ადანაშაულებენ ბოლო ათწლეულების განმავლობაში ყველაზე რთულ ეკონომიკურ კრიზისში.
  • თვეების განმავლობაში მოქალაქეები ებრძოდნენ ელექტროენერგიის ყოველდღიურ შეწყვეტას და საბაზისო ნივთების დეფიციტს, როგორიცაა საწვავი, საკვები და მედიკამენტები.