ქართული ოცნებიდან წასული დეპუტატი ამბობს, რომ უმრავლესობის მიერ არჩეული და საზოგადოების საკმაოდ დიდი ნაწილის გამხმოვანებელია.

რატომ არის მნიშვნელოვანი: პარტიიდან წასვლის შემდეგ, მიხეილ ყაველაშვილი დიმიტრი ხუნდაძესა და სოზარ სუბართან ერთად საუბრობენ ანტიდასავლური ნარატივით, ამტკიცებენ, რომ "დიდ ძალებს" საქართველოში რევოლუციისა და ომის სცენარი აქვთ შემუშავებული.

  • დეპუტატები იმეორებენ, რომ კანდიდატის სტატუსის მინიჭება "არაფრისმომცემია" და მას საქართველოს "ომში ჩართვის" გარეშე არც 6 თვეში მიანიჭებენ.

ყაველაშვილმა აშშ-ის ელჩს, კელი დეგნანს 8 ივლისს მისწერა და ჰკითხა, რატომ არ ემიჯნება "პროვოკაციებს".

  • კიდევ ერთხელ განავითარა ანტიდასავლურ ნარატივი. მისი თქმით, კითხვებზე პასუხების მიღება აუცილებელია იმისათვის, რომ საქართველოში ამერიკის "იმიჯს უმძიმესი ზიანი არ მიადგეს".

პასუხად, აშშ-ის ელჩმა საქართველოში ყაველაშვილის წერილზე თქვა, რომ სავსე იყო ტყუილებითა და კონსპირაციული თეორიებით.

  • "წერილი, რომელიც სავსე იყო ტყუილებითა და კონსპირაციული თეორიებით, სიმართლე რომ გითხრათ, ბოლომდე ვერ წავიკითხე".

ახლა კი საზოგადოებრივი მაუწყებლის ეთერში დეგნანს დიპლომატია დაუწუნა. ამტკიცებს, თითქოს კითხვები, რომლითაც ელჩს მიმართა, არ მხოლოდ მას, არამედ საზოგადოებას ჰქონდა.

  • "არ გვეშლება ჩვენ არაფერი, არც დამოკიდებულებაში, არც პატივისცემაში, ვინ ვინ არის, მაგრამ დიპლომატიას, პირდაპირ ვიტყვი, ნამდვილად დავუწუნებ".
  • დეგნანის პასუხის შემდეგ, მან თქვა ისიც, რომ "ელჩს ბოლომდე რომ წაეკითხა წერილი, იქნებ ასეთი ცრუ ბრალდება არც წამოეყენებინა".

ქართულ ოცნების თავმჯდომარემ სამწუხარო უწოდა კელი დეგნანის პასუხს.

  • ყაველაშვილი კი კობახიძემ ღირსეულ და პატიოსან კაცად მოიხსენია.