დაკავებულმა თქვა, რომ შინზო აბე გარკვეულ ჯგუფთან იყო დაკავშირებული, რომელთანაც მას ცუდი დამოკიდებულება ჰქონდა.

რატომ არის მნიშვნელოვანი: შინზო აბეს ნარაში სიტყვით გამოსვლისას ორჯერ ესროლეს.

  • ამის შემდეგ ყოფილი პრემიერმინისტრი საავადმყოფოში გადაიყვანეს, მისი მდგომარეობა კრიტიკული იყო.

დეტალები: იაპონიის ყოფილ პრემიერმინისტრის ადგილობრივი დროით 11:30 საათზე ესროლეს.

  • კაბინეტის მთავარი მდივანი, ჰიროკაზუ მაცუნო ამბობს, რომ რაც არ უნდა იყოს მიზეზი, ასეთ ბარბაროსულ ქმედებას არასდროს შეეგუებიან და მკაცრად გმობენ.

იაპონური მედია ადგილობრივ სახანძროზე დაყრდნობით აცხადებს, რომ ყოფილ პრემიერმინისტრს ზურგიდან ესროლეს.

  • მათივე ცნობით, აბეს სასიცოცხლო ნიშნები არ შეენიშნებოდა.

არქივიდან: აბე იაპონიის პრემიერმინისტრის პოსტს 2012-დან 2020 წლამდე იკავებდა და ქვეყნის ყველაზე გრძელვადიანი პრემიერმინისტრიც იყო.

  • ის თანამდებობაზე 2021 წლამდე უნდა დარჩენილიყო, თუმცა 2020 წლის აგვისტოში ჯანმრთელობის პრობლემების გამო გადადგა.