კანადის, ესტონეთის, დანიისა და ნორვეგიის შემდეგ ორი ქვეყნის სურვილს მხარი ოფიციალურად გერმანიის ბუნდესტაგშიც დაუჭირეს.

რატომ არის მნიშვნელოვანი: შვედეთისა და ფინეთის NATO-ში სრული გაწევრიანებისთვის პროტოკოლის რატიფიცირება ყველა ქვეყნის პარლამენტმა უნდა მოახდინოს.

  • ამ ეტაპზე ჰელსინკი და სტოკჰოლმი NATO-ს შეხვედრებში მონაწილეობას მიიღებენ და დაზვერვაზე წვდომა ექნებათ, თუმცა ისინი ალიანსის მე-5 მუხლით დაცულები არ იქნებიან.

დეტალები: DW-ს კორესპონდენტის თქმით, ბუნდესტაგში ეს პროცესი "ექსტრემალურად სწრაფი" იყო.

  • ის წყაროზე დაყრდნობით ამბობს, რომ გერმანიას სურდა, მიღების რატიფიცირება პირველს მოეხდინა, თუმცა დანარჩენი ქვეყნები უფრო სწრაფები აღმოჩნდნენ;
  • "ამის მიუხედავად, სიგნალი იგივე რჩება. გერმანია მტკიცედ უჭერს მხარს ფინეთისა და შვედეთის NATO-ში გაწევრიანების სურვილს".

რა ხდებოდა მანამდე: NATO-ში გაწევრიანების პროტოკოლს ხელი 5 ივლისს მოეწერა.

  • ეს 1990-იანიები წლების შემდეგ, ალიანსის ყველაზე მნიშვნელოვანი გაფართოებაა;

  • გეოსტრატეგიული თვალსაზრისით ორივე ქვეყანა NATO-ს დიდ სარგებელს მოუტანს.