ინფორმაცია ამის შესახებ რუსულმა სახელმწიფო მედიამ გაავრცელა. დიდი ოცეულის ქვეყნების ოფიციალური ვახშამი ინდონეზიაში გაიმართა.

რატომ არის მნიშვნელოვანი: რუსეთის საგარეო საქმეთა სამინისტროს სპიკერმა, მარია ზახაროვამ თქვა, რომ ეს მინისტრების მხრიდან გამოცხადებული ბოიკოტი იყო.

  • პირველი შემთხვევა არ არის, როცა სერგეი ლავროვი დიპლომატებმა მარტო დატოვეს.
  • აქამდე, გაეროს სხდომაზე სიტყვით გამოსვლა სერგეი ლავროვს ნახევრად ცარიელ დარბაზში მოუწია, რადგან დიპლომატები დარბაზიდან პროტესტის ნიშნად გავიდნენ.

დეტალები: იაპონურმა მედიამ გაავრცელა ინფორმაცია, რომ საგარეო საქმეთა მინისტრმა, იოშიმასა ჰაიაშიმ მონაწილეობაზე უარი თქვა, რადგან შესაძლებლობა იყო, იქ მისი რუსი კოლეგაც ყოფილიყო.

  • ლავროვმა განაცხადა, რომ ამ ქვეყნებს "როგორც ჩანს, ასე ესმით პროტოკოლი, ზრდილობა და ეთიკის წესები".

ამასთან, მიღებაზე გაუქმდა ოფიციალური ფოტოს გადაღების ცერემონიაც, რადგან დასავლელმა დიპლომატებმა სერგეი ლავროვთან ერთად ფოტოს გადაღებაზე უარი განაცხადეს.