გადაწყვეტილება ბათუმის საქალაქო სასამართლომ მიიღო.

რატომ არის მნიშვნელოვანი: მათ ბრალი სამშენებლო ან სხვა სამუშაოს წარმოებისას უსაფრთხოების წესის დარღვევის მუხლით ჰქონდათ წარდგენილი, რამაც ადამიანის სიცოცხლის მოსპობა გამოიწვია.

დეტალები: 4 წლით თავისუფლების აღკვეთა მიუსაჯეს, ბინის მესაკუთრეს, ზაურ ბუდატოვს, ხოლო მის მიერ დაქირავებულ გიორგი და ხუსეინ სურმანიძეებს 3-3.

არქივიდან: საცხოვრებელი კორპუსის სადარბაზო 8 ოქტომბერს ჩამოინგრა. შემთხვევას, 9 ადამიანი, მათ შორის, სამი ბავშვი ემსხვერპლა, გადარჩა ერთი ადამიანი.

  • სამაშველო ოპერაცია 30 საათის განმავლობაში მიმდინარეობდა.
  • 9 ოქტომბერს კორპუსის ჩამონგრევის საქმეზე სამი ადამიანი დააკავეს. პროკურატურის განცხადებით, ბრალდებულებმა მოშალეს მზიდი და არამზიდი კედლები, რითიც დაირღვა საცხოვრებელი კორპუსის სიმტკიცე და მდგრადობა და ნგრევა გამოიწვია.