გამოცდების ეროვნული ცენტრი საკითხის პოლიტიზებას დაუშვებლად მიიჩნევს, რადგან მათი თქმით, მსგავსი ტიპის ინფორმაციებმა, შესაძლოა, უარყოფითი გავლენა მოახდინოს აპლიკანტებზე.

რატომ არის მნიშვნელოვანი: დღეს ეროვნული გამოცდების ქართული ენისა და ლიტერატურის ტესტის ერთ-ერთი დავალების შესახებ ინფორმაცია გავრცელდა.

  • ერთ-ერთი საკითხი იყო "აქვს თუ არა ბრძოლას აზრი, თუ დამარცხებისთვის ხარ განწირული".

დეტალები: NAEC-ის ცნობით, დავალებაში მოცემული იყო ნიკო ლორთქიფანიძის ნაწარმოები ამაყი.

  • "ამ ტექსტს მოჰყვებოდა 10 კითხვა არჩევითი პასუხებით. ამის შემდეგ მოცემული იყო მითითება ტექსტის ანალიზისთვის, რასაც ასეთი შინაარსი ჰქონდა: აქვს თუ არა აზრი ბრძოლას, თუ დამარცხებისთვის ხარ განწირული";
  • "სამწუხაროდ, ზოგიერთი მედიასაშუალებისგან აღნიშნულ საკითხს მოჰყვა არასწორი ინტერპრეტაციები და გავრცელდა კონტექსტიდან ამოგლეჯილი ფრაზა, რამაც საზოგადოება შეცდომაში შეიყვანა".

NAEC საზოგადოებას მოუწოდებს, ტესტის გამოქვეყნებამდე მისი შეფასებებისგან თავი შეიკავონ.

  • "მანამდე კი დაინტერესებულ საზოგადოებას თავად შეუძლია გაეცნოს ნიკო ლორთქიფანიძის ნაწარმოებს".