სამხრეთ კორეა ახალ პრეზიდენტს ირჩევს და ეგზიტპოლის მონაცემებით, ის ლიბერალი მუნ ჯეი ენი იქნება. ინფორმაციას BBC ავრცელებს.

სამხრეთ კორეის მოსახლეობამ ჯეი-ენის მიმართ მაღალი მხარდაჭერა აჩვენა. წინასწარი შედეგებით, მას საერთო ხმების 41,4% აქვს, მის კონკურენტ, კონსერვატორ, ჰანგ ჯუნ პიუოს კი - 23,3 პროცენტი.

მუნ ჯეი ენი ჩრდილოეთ კორეასთან მოლაპარაკების წარმოების და სამხრეთ კორეის აქამდე არსებული დიპლომატიური პოლიტიკის შეცვლის მომხრეა.

სამხრეთ კორეის პარლამენტმა ექს-პრეზიდენტის, პაკ კინ ჰეს, იმპიჩმენტის გადაწყვეტილება 2016 წლის 9 დეკემბერს მიიღო, რისი მიზეზიც კორუფციული სკანდალი გახდა.