გერმანიის საელჩო საქართველოში აცხადებს, რომ ამ ეტაპზე, გერმანიაში შესვლა კვლავ მხოლოდ აცრილი პირებისთვის არის შესაძლებელი. ამის შესახებ საელჩო განცხადებას ოფიციალურ Facebook-გვერდზე ავრცელებს.

"გერმანიის შესაბამისმა უწყებებმა გვაცნობეს, რომ საქართველოდან გერმანიაში შესვლა ამ ეტაპზე კვლავ მხოლოდ მინიმუმ ორი დოზით აცრილი პირებისთვის არის შესაძლებელი. ვაქცინა აღიარებული უნდა იყოს ევროკავშირის მიერ", — წერია განცხადებაში.

31 მაისს გერმანიის სალეჩომ გაავრცელა ინფორმაცია, რომ პირველი ივნისიდან საქართველოდან გერმანიაში წასვლის მსურველთათვის აცრის, გამოჯანმრთელების ან ჩატარებული ტესტის საბუთის წარდგენა სავალდებულო აღარ იქნებოდა.