ლუგანსკის ოლქის რეგონული ადმინისტრაციის ხელმძღვანელის, სერგეი გაიდაის განცხადებით, ოკუპანტები სევეროდონეცკის 80%-ს აკონტროლებენ. მისი თქმით, გრძელდება ქუჩებში ბრძოლები.

როგორც გაიდაი ტელეგრამზე წერს, ზოგიერთ უბანში უკრაინელები წარმატებას აღწევენ. მისი თქმით, ტყვედ ჩავარდა 6 ოკუპანტი.

"ლუგანსკის მთელი თავისუფალი რეგიონი ცეცხლის ქვეშ მოექცა. ჩვენ ვახერხებთ ბევრ დასახლებულ პუნქტში რეზინის სატვირთო მანქანების შეყვანას და ხალხის ევაკუაციასაც კი", — ამბობს ის.

მისივე თქმით, ლისიჩანსკი უკრაინის კონტროლის ქვეშ. როგორც თავად განმარტა, ესაა სამხედრო თვალსაზრისით ხელსაყრელი პოზიცია.

ბრიტანეთის დაზვერვა ამბობს, რომ რუსეთის მთავარი პოლიტიკური მიზანი ახლა მთლიანად დონეცკისა და ლუგანსკის რეგიონების ოკუპაციაა. დონეცკისა და ლუგანსკის სრული ოკუპაციის მისაღწევად კი სჭირდებათ, რომ სევეროდონეცკთან ერთად, კრამატორსკის და დნეპერი-დონეცკის გზაზე დაამყარონ კონტროლი.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.