უკრაინის პრეზიდენტის, ვოლოლდიმირ ზელენკის განცხადებით, სიტუაცია დონბასის რეგიონში ძალიან რთულია, თუმცა უკრაინელ სამხედროებს აქვთ გარკვეული წინსვლა ხერსონისა და ხარკოვის რეგიონებში. ამის შესახებ მან ახალ ვიდეო მიმართვაში ისაუბრა.

"გვაქვს გარკვეული წარმატება როგორც ხერსონის მიმართულებით, ასევე, წინსვლა ხარკოვის რეგიონში. უკრაინის შეიარაღებული ძალები უკუაგდებენ ოკუპანტების ზეწოლას ზაპოროჟიეს რეგიონში, საკვანძო მიმართულებაა გულიაიპოლე და ორიხოვი", — თქვა მან.

ზელენსკის თქმით, ეს მიუთითებს, რომ მიუხედავად რუსების აღჭურვილობითი და რიცხვითი უპირატესობისა, უკრაინელი დამცველები უდიდეს გამბედაობას ავლენენ და ფრონტის ხაზზე შეუპოვრები არიან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.