სახალხო დამცველის, ნინო ლომჯარიას თქმით, ქართული ოცნების თავმჯდომარის, ირაკლი კობახიძის განცხადებებს სერიოზულად არ იღებს. ის ამბობს, რომ კობახიძის კომენტარები, "ხშირად იუმორის ჟანრიდანაა".

"მე არ ვიცი, სხვები როგორ აფასებენ ირაკლი კობახიძის განცხადებას, მაგრამ მე დიდი ხანია ვამბობ, რომ არ ვიღებ ბატონი ირაკლი კობახიძის განცხადებებებს სერიოზულად. ცოტა ხნის წინ მან ისიც განაცხადა, რომ მე თითქოს ვაკეთებდი განცხადებას მეორე ფრონტის გასახსნელად საქართველოში. მე ვფიქრობ, რომ მისი განცხადებები ხშირად იუმორის ჟანრიდანაა, ამიტომ არასერიოზულია ჩემთვის ასეთი განცხადებები. არ ვაპირებ, მის კომენტარიზებას და პოპულარიზებას კიდევ უფრო მეტად", — თქვა მან.

დღეს, 17 მაისს კობახიძემ რუსთავი 2-ის საქმესა და ნიკა გვარამიას დაკავებაზე ისაუბრა, სადაც ერთიან ნაციონალურ მოძრაობასთან სახალხო დამცველის კოორდინაციაზეც აღნიშნა.

გაიგე მეტი: