თურქეთის პრეზიდენტის, რეჯეფ თაიფ ერდოღანის მრჩევლის განცხადებით, თურქეთმა აზოვსტალის ქარხნის ტერიტორიაზე დარჩენილ დაჭრილ მებრძოლებს საზღვაო ევაკუაცია შესთავაზა.

როგორც იბრაჰიმ კალინმა Reuters-თან ინტერვიუში თქვა, წინადადება ვოლოდიმირ ზელენსკისთან ორი კვირის წინ პირადად განიხილა, თუმცა მოსკოვის უარის მიუხედავად, ის მოლაპარაკებების მაგიდაზე ისევ რჩება.

გეგმის მიხედვით, აზოვსტალის ქარხნიდან ევაკუირებულ ადამიანებს ჯერ სახმელეთო გზით გაიყვანენ ბერდიანსკის პორტში, სადაც მათ თურქული გემი დახვდება და შავი ზღვის გავლით სტამბულში გადაიყვანს.

"თუ ამის გაკეთება ამ გზით შესაძლებელი ვიქნები, მოხარული ვიქნები, რომ ეს გავაკეთოთ. ჩვენ მზად ვართ. ფაქტობრივად, ჩვენი გემი მზადაა რომ წავიდეს და დაშავებული ჯარისკაცები და სხვა მშვიდობიანი მოქალაქეები თურქეთში ჩამოიყვანოს", — განაცხადა მან.

13 მაისს უკრაინის ვიცეპრემიერმა განცახადა, რომ მოლაპარაკებების ბოლო რაუნდში შუამავლობას თურქეთი დათანხმდა. მისი თქმით, თურქეთის შუამავლობით აზოვსტალის ქარხნიდან უკრაინელი სამხედროების ევაკუაცია იგეგმება და პირველ ეტაპზე მძიმედ დაჭრილებს გამოიყვანენ.