ოკუპანტი ქვეყნის საგარეო საქმეთა მინისტრი ამბობს, რომ დასავლეთმა რუსეთის წინააღმდეგ "ტოტალური ჰიბრიდული ომი" გამოაცხადა, ამით კი ყველა დაზარალდება.

"კოლექტიურმა დასავლეთმა ჰიბრიდული ომი გამოგვიცხადა. ძნელია პროგნოზირება, რამდენ ხანს გაგრძელდება ეს ყველაფერი. მაგრამ, ცხადია, შედეგებს ყველა იგრძნობს, გამონაკლისის გარეშე", — თქვა ლავროვმა.

ლავროვი ამბობს იმასაც, რომ დასავლეთის მცდელობა რუსეთის იზოლირებაზე თავიდანვე "წარუმატებლობისთვის იყო განწირული" და დაამატა, რომ სანქციები მათთვის უცხო არ არის, რადგან ისინი სხვადასხვა ფორმით ყოველთვის არსებობდა.