უკრაინის საგარეო საქმეთა მინისტრის, დმიტრო კულებას განცხადებით, პარტნიორმა ქვეყნებმა იარაღის მიწოდების ვადები და მდგრადობა უნდა გააუმჯობესონ. მისი თქმით, თუ ბრძოლა ახლა მიმდინარეობს და იარაღი ხვალ არ უნდა ჩამოდიოდეს.

"თუ ბრძოლა დღეს მძვინვარებს, ხოლო ჰაუბიცები და დრონები ხვალ ჩამოდის, ეს ასე არ უნდა მუშაობდეს", — განაცხადა მან Financial Times-თან ინტერვიუში.

კულებამ აღნიშნა ისიც, რომ მხოლოდ რუსეთის დამარცხება მისცემს უკრაინას შესაძლებლობას შავი ზღვის პორტი გახსნას და ეკონომიკა აღადგინოს. მისი განცხადებით, კიევმა რომ უფრო მეტი სახმედრო დახმარება მიიღოს, ხერსონის რეგიონში ოკუპანეტის უკან დახევას, შავი ზღვის ფლოტის დამარცხებას და გასასვლელის განბლოკვას შეძლებენ.

მისივე თქმით, აღლუმის დღეს პუტინის მხრიდან სიტყვიერი ესკალაციის არარსებობას ბრძოლის ველზე მიმდინარე სიტუაციაზე არანაირი გავლენა არ ჰქონია, რადგან "უარესი უკვე მოხდა".

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში