უკრაინის თავდაცვის სამინისტროს მთავარი სადაზვერვო სამმართველოს ცნობით, სამხედრო წარუმატებლობის გამო, რუსეთი პროპაგანდას ცვლის და მოქალაქეებს შესაძლო მარცხისთვის ამზადებს. ამის შესახებ უწყება ინფორმაციას ტელეგრამზე ავრცელებს.

"რუსულ მედიას დაევალა რუსეთ-უკრაინის ომის გაშუქება, როგორც რუსეთის შეიარაღებული დაპირისპირება ევროკავშირისა და NATO-ს ყველა ქვეყანასთან. კრემლის პოლიტტექნოლოგების აზრით, ეს შეამცირებს უფრო ძლიერ მტერთან დამარცხების სირცხვილს", — აცხადებენ სადაზვერვო სამსახურში.

9 მაისს წითელ მოედანზე რუსული არმია საზეიმო აღლუმით გამოვიდა. შეკრებილებს სიტყვით მიმართა რუსეთის პრეზიდენტმა, ვლადიმერ პუტინმა, რომელმაც კიდევ ერთხელ გააჟღერა საკუთარი პროპაგანდისტული გზავნილები, თუმცა თქვა იმაზე ნაკლები, ვიდრე მსოფლიო ელოდა.

მან გაატარა ნარატივი, თითქოს უკრაინაში შეჭრა დასავლეთმა, ნატოს გაფართოებამ და უკრაინის აგრესიულმა რიტორიკამ აიძულა. ის ამტკიცებდა, რომ უკრაინა ბირთვულად შეიარაღებას, ყირიმში შეჭრას და დონბასში სადამსჯელო ღონისძიებებს გეგმავდა.

გაიგეთ მეტი:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში