კულტურის მინისტრის, თეა წულუკიანის განცხადებით, "შესანიშნავი კოორდინაციისა და პრაქტიკულად, 24-საათიანი რეჟიმის ფარგლებში, ტიტანური შრომით" კითხვარის მეორე ნაწილი შეავსეს. მისი თქმით, შედეგს იმედით ელოდებიან.

"ყველა უწყებამ, საგარეო საქმეთა სამინისტრომ, შესანიშნავი კოორდინაციისა და პრაქტიკულად, 24-საათიანი რეჟიმის ფარგლებში ვიმუშავეთ. მადლობა საგარეო საქმეთა სამინისტროს ამისთვის, ეს იყო მართლაც ტიტანური შრომა და კითხვარის მეორე ნაწილი, რომელიც ყველაზე მოცულობითი და დარგობრივია, შესაბამისად ყველაზე ტექნიკური და ძნელად შესავსები იყო, წარმატებით შეივსო. ველოდებით იმედით შედეგს და იმედი მაქვს, რომ არ იქნება რაიმე უსაფუძვლო შეფერხება ამ გზაზე უკვე ევროკავშირის წევრი ქვეყნებისგან", — აბობს ის.

6 მაისს საქართველომ კითხვარის მეორე ნაწილის შევსება დაასრულა. კითხვარის პირველი ნაწილი უკვე გადაეცა ევროკავშირის ელჩს საქართველში, შარლ მიშელს. საქართველოს ევროკავშირის წევრობის კითხვარი 11 აპრილს გადასცეს. ქვეყანამ ევროკავშირის წევრობის კანდიდატის სტატუსის მიღებაზე განაცხადს ხელი 3 მარტს მოაწერა.