ეროვნული ბიბლიოთეკა საქართველოს სხვადასხვა რეგიონში სკვერის ბიბლიოთეკების მოწყობას განაგრძობს. 21 სექტემბერს მოძრაობა ეკვილიბრიუმი სოფელ წერაქვს ეწვია. აქ, მიხეილ ჯავახიშვილის სკოლაში, კიდევ ერთი სკვერის ბიბლიოთეკა გაიხსნა.

ორგანიზაცია დიდგორელთან თანამშრომლობით ამავე სოფელში მალე შეიქმნება მწერალ ნოდარ წულეისკირის სახელობის საგანმანათლებლო ცენტრი.

ნოდარ წულეისკირი წლების წინ ეროვნულ ბიბლიოთეკას ხელმძღვანელობდა. სიცოცხლის ბოლო წლები კი სოფელ წერაქვში გაატარა.