აჭარის მთავრობის თავმჯდომარემ, თორნიკე რიჟვაძემ ბათუმში "პალმის მსგავსი" ხელოვნური კუნძული დააანონსა. მას პროექტის დეტალებზე არ უსაუბრია, თუმცა თქვა, რომ საინვესტიციო ჯგუფთან შეთანხმება უკვე მიღწეულია და ამ ეტაპზე შესაბამისი კვლევები მიმდინარეობს.

მოგვიანებით აჭარის მთავრობის აპარატის უფროსმა Facebook-ზე გამოაქვეყნა რამდენიმე ფოტო და დაწერა, რომ ეს არის ხელოვნური კუნძულის პირველადი ვერსია.

გთავაზობთ ფოტოებს:

ფოტო: ჯაბა სურმანიძე/Facebook

ფოტო: ჯაბა სურმანიძე/Facebook

ფოტო: ჯაბა სურმანიძე/Facebook

ფოტო: ჯაბა სურმანიძე/Facebook

ფოტო: ჯაბა სურმანიძე/Facebook

თორნიკე რიჟვაძეს არ დაუკონკრეტებია, რა ადგილას იგეგმება ხელოვნური კუნძულის "აშენება". მისი თქმით, კუნძული დაახლოებით ისეთი იქნება, როგორც დუბაიშია. აჭარის მთავრობის თავმჯდომარის განცხადებით, აღნიშნული პროექტის განსახორციელებლად რამდენიმე ასეული მილიონი დოლარის ინვესტიცია განხორციელდება. მას არც ის დაუზუსტებია, როდის დაიწყება მშენებლობა, თუმცა თქვა, რომ მოიწვევენ საერთაშორისო არქიტექტორებს, დიზაინერებს, მშენებლებს და "როგორც კი ამ კონკრეტული პროექტის ტენქნიკურ-ეკონომიკური სიცოცხლისუნარიანობა დამტკიცდება, უკვე ძალიან მალე დაიწყება მშენებლობაც".