დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

NCDC-ის ინფორმაციით, საქართველოში ჩატარებული აცრების რაოდენობამ მილიონს გადააჭარბა. უფრო კონკრეტულად, 24 აგვისტოს მდგომარეობით, ქვეყანაში ჩატარებულია 1 010 096 აცრა.

როგორც NCDC-ის სტატისტიკიდან ხდება ცნობილი, სრულად ვაქცინირებულია მოზრდილი მოსახლეობის 10,7%, ანუ 306 151 ადამიანი, ხოლო სულ მცირე 1 დოზით აცრილია 703 945 ადამიანი, რაც მოზრდილი მოსახლეობის 24,6%-ია. 23 აგვისტოს 30 067 ადამიანი აიცრა.

24 აგვისტოს მონაცემებით, საქართველოში კორონავირუსის 5 924 ახალი შემთხვევა დადასტურდა, გამოჯანმრთელდა 4 777, ხოლო გარდაიცვალა — 60 ადამიანი.

ბოლო 24 საათში ჩატარდა 47 288 კვლევა ტესტით, მათ შორის, 35 185 კვლევა ანტიგენის ტესტით და 12 103 PCR ტესტით.

რაც შეეხება დადებითობის მაჩვენებელს, 23 აგვისტოს მდგომარეობით, დადებითობის დღიური მაჩვენებელი არის 12,53%, ბოლო 14 დღის მანძილზე — 10,93% ხოლო 7 დღის მანძილზე — 10,72%.

პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 523 022-ს, სულ გამოჯანმრთელდა 458 265 ადამიანი, ხოლო ვირუსს ჯამში ემსხვერპლა 6 891 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: