ჯანდაცვის მინისტრის მოადგილის, თამარ გაბუნიას ინფორმაციით, დაახლოებით ბოლო ხუთ თვეში ინფიცირებულთა 98%-ზე მეტი არ ყოფილა აცრილი. აქედან გამომდინარე, საავადმყოფოში მოხვედრილთა უდიდესი ნაწილიც არ ყოფილა აცრილი.

"ჩვენ გავაკეთეთ ანალიზი მარტიდან აგვისტოს 17 რიცხვამდე ინფიცირებულების და მათ შორის, აცრილი პირების რაოდენობის მიხედვით. ინფიცირებულთა 98%-ზე მეტი არ იყო ვაქცინირებული. ამ შემთხვევაში, ჩვენ გვაქვს იმგვარი სურათი, რომ საავადმყოფოში მოხვედრილების უდიდესი ნაწილი ვაქცინირებული არ ყოფილა", — განაცხადა თამარ გაბუნიამ.

აღსანიშნავია, რომ დღეს კორონავირუსით გარდაცვალების რეკორდულად მაღალი, 58 შემთხვევა დაფიქსირდა.