საერთაშორის ორგანიზაცია All Out-მა 5 ივლისის ძალადობრივი კონტრაქციის ორგანიზატორების დასჯის მოთხოვნით პეტიცია შექმნა. ორგანიზაციის განცხადებით, ეს იყო არა მხოლოდ მშვიდობიანი შეკრებისა და გამოხატვის თავისუფლების ფუნდამენტური უფლებების უხეში დარღვევა, არამედ უფრო უარესი — ლგბტ+ საზოგადოების წინააღმდეგ განხორციელებული თავდასხმა, რასაც საქართველოს ხელისუფლებამ ხელი არ შეუშალა.

"უნდა გამოვლინდნენ და დაისაჯონ ყველა დამნაშავე პირები, რომლებიც თბილისში პრაიდის ოფისზე, სამოქალაქო და მედიის წარმომადგენლებზე განხორციელებული თავდასხმების უკან დგანან. ლექსო ლაშქარავას გარდაცვალებას სასწრაფო და საფუძვლიანი გამოძიება სჭირდება", — ნათქვამია განცხადებაში.

პეტიციაზე ხელის მოსაწერად გადადით ბმულზე.

5 ივლისის ღირსების მარშის საწინააღმდეგოდ, ჰომოფობიურმა და ძალადობრივმა ჯგუფებმა აქციები გამართეს. 5-6 ივლისს ჯამში 50-ზე მეტ ჟურნალისტს, სამოქალაქო მოძრაობების ოფისებსა და მშვიდობიან მოქალაქეებს დაესხნენ თავს. ამ მოვლენების გამო სამოქალაქო საზოგადოებისა და ოპოზიციის ნაწილი შინაგან საქმეთა მინისტრის პასუხისმგებლობის საკითხის დაყენებას ითხოვს, რადგან მიაჩნიათ, რომ მან მშვიდობიანი მოქალაქეების და ჟურნალისტების უსაფრთხოების დაცვა ვერ უზრუნველყო.