ჩრდილოეთ ალჟირში ძლიერ ტყის ხანძრებს ებრძვიან. CNN-ის ინფორმაციით, 42 ადამიანი გარდაიცვალა, მათ შორის 25 ჯარისკაცია, რომლებიც ხანძრის ჩასაქრობად იყვნენ მობილიზებული. დამწვარია რამდენიმე სახლი, მოსახლეობა საცხოვრებლებიდან გარბის და თავშესაფარს ეძებს.

ალჟირის ჩრდილოეთით ტყეებში ათობით ცალკეული კერა ორშაბათს ღამით გაჩნდა. არსებული ინფორმაციით, ქვეყნის სულ მცირე 16 პროვინციის ტყეები გაანადგურა.

ალჟირის შინაგან საქმეთა მინისტრის, კამელ ბელჯუდის განცხადებით, ტყეებს ცეცხლი გამიზნულად წაუკიდეს. დამატებით დეტალებზე ის არ საუბრობს.

"მხოლოდ კრიმინალური ხელები შეიძლება იდგნენ ერთროულად რამდენიმე ადგილას, დაახლოებით, 50 ხანძრის გაჩენის უკან", — განაცხადა მან.

მთავრობა მოლაპარაკებებს აწარმოებს უცხოელ პარტნიორებთან თვითმფრინავების დასაქირავებლად და ხანძრის ჩაქრობის პროცესის დასაჩქარებლად.

ძლიერი ხანძარს რამდენიმე დღეა ებრძვიან თურქეთსა და საბერძნეთშიც.