4 დღის შემდეგ მაშველებმა კასპში დაკარგული ქალი ტყეში იპოვეს. უწყების განცხადებით, მის სიცოცხლეს და ჯანმრთელობას საფრთხე არ ემუქრება.

"საგანგებო სიტუაციების მართვის სამსახურმა შეტყობინების მიღებისთანავე დაიწყო სოფელ გოსტიბეს ტყეში აქტიური საძიებო-სამაშველო ღონისძიებები. ტერიტორიაზე არსებული ხევებისა და ტყის მასივების დათვალიერების შედეგად, სახანძრო-სამაშველო ძალების დეპარტამენტის თანამშრომლებმა გაუჩინარებული ქალბატონის ადგილსამყოფელი იპოვეს. მეხანძრე-მაშველებმა ქალბატონი უსაფრთხო ადგილზე გამოიყვანეს", — წერია უწყების განცხადებაში.

მეზობლების თქმით, ქალი 7 აგვისტოს საქონლის მოსაყვანად წავიდა და იმის შემდეგ არ გამოჩენილა.