ჩეხეთის სამრეთ-დასავლეთ ნაწილში სწრაფი ექსპრესმატარებელი და სამგზავრო მატარებელი ერთმანეთს შეეჯახა. უბედური შემთხვევის შედეგად 3 ადამიანი გარდაიცვალა და ათობით დაშავდა, მათ შორის ხუთი მძიმედ.

როგორც ტვიტერზე ჩეხეთის რესპუბლიკის პოლიცია წერს, ავარია ადგილობრივი დროით 8 საათზე მოხდა, ქალაქ მილავჩეში. ხელისუფლების ინფორმაციით, გარდაცვლილია ორივე მატარებლის მძღოლი და ერთი მგზავრი.

ჩეხეთის ტრანსპორტის მინისტრი, კარელ ჰავლიჩეკი ამბობს, რომ ავარია სავარაუდოდ ადამიანურმა შეცდომამ გამოიწვია. მისივე თქმით, მაღალი სიჩქარის მქონე მატარებლის მძღოლი ვერ გაჩერდა დანიშნულ ადგილას.