"ძალიან ეფექტური ადვოკატები ჰყავს მამა გიორგი მამალაძეს, პროკურატურაც კარგად მუშაობს და მიხედავენ," - ეს განცხადება საქართველოს პრეზიდენტმა ტელეკომპანია იმედის გადაცემა იმედის დროში გააკეთა.

პრეზიდენტი მიიჩნევს, რომ ციანიდის საქმეზე საზოგადოება გვერდზე უნდა გადგეს. მისი თქმით, გამოძიებას შესაბამისი უწყებები, ეკლესიის შიგნი მიმდინარე პროცესებს კი ილია მეორე მიხედავს:

"ჩემი აზრით, ჩვენ სხვა როლი არ უნდა ვითამაშოთ. პატრიარქს აქვს ძალიან მაღალი ნდობა. პატრიარქი არის ის პასუხისმგებელი პირი, რომელიც აკონტროლებს და მართავს ეკლესიას. შესაბამისად მისი პოზიცია, რომ მიეცეს შესაძლებლობა კომპეტენტურ ორგანოებს იმუშაონ და ეკლესიის პროცესებს თვითონ მიხედავს, მგონი ეს არის მთავარი, მგონი ჩვენ ცოტა გვერდზე უნდა დავდგეთ."

პრეზიდენტის განცხადებით, ხშირად არაკომპეტენტური ადამიანები ისეთ საკითხებს განიხილავენ ეთერებში, რომლებიც "უსაგნოა, უშინაარსოა და არაფრის მომტანია."

გაიგეთ მეტი: ციანიდის საქმე.