ქართული ოცნების თავმჯდომარე, ირაკლი კობახიძე ნაციონალური მოძრაობის თავმჯდომარეს, ნიკა მელიას სექსისტური ფრაზით მოიხსენია და თქვა, რომ არ არის კაცური საქციელი ამნისტიის სანაცვლოდ გირაოზე დათანხმება.

"როდესაც მელია ამბობს, რომ ის მზად არის ახლა უკვე გირაო აღიაროს, ოღონდ ამნისტია არ იყოს მიღებული, ეს თავისთავად კარგია, იმიტომ, რომ ეს არის უკან დახევა, მაგრამ, მას მინდა ვუთხრა, რომ ეს არ არის კაცური საქციელი. როდესაც ის ამბობს, რომ გირაოს გადაიხდის და გამოვა, მაგრამ, ის ადამიანები, რომელბიც მისგან იყვნენ გაბრიყვებული, რომლებიც უტევდნენ პარლამენტს, უნდა შევიდნენ ციხეში, ეს არ არის კაცური საქციელი. მან კაცურად უნდა მიიღოს ყველაფერი, რაც არის, მათ შორის, გაწერილი შეთანხმებაში", — განაცხადა ირაკლი კობახიძემ.

გუშინ, 26 აპრილს ნიკა მელიამ განაცხადა, რომ მზადაა მიიღოს ევროკავშირის შეთავაზება გირაოს გადახდასთან დაკავშირებით, თუ პოლიტიკური პარტიები ამნისტიის კანონს გაითხოვენ.

პარტია ლელოს თავმჯდომარემ, მამუკა ხაზარაძემ განაცხადა, რომ ევროპული საბჭოს პრეზიდენტის, შარლ მიშელის ინიციატივით შექმნილი დოკუმენტიდან ნებისმიერი, მათ შორის, ამნისტიის შესახებ პუნქტის ამოღება მხოლოდ და მხოლოდ მედიატორების გადასაწყვეტია.

გაიგეთ მეტი: