დეპუტატი სალომე სამადაშვილის თქმით, ნაციონალური მოძრაობის თავმჯდომარის, ნიკა მელიას გირაოს დაფარვა ევროკავშირის მიერ ნიშნავს, რომ ეს უკანასკნელი აღიარებს მელიას პოლიტპატიმრობას. იგი ფიქრობს, რომ მელიამ ამგვარი შეთავაზება უნდა მიიღოს.

"მე მიმაჩნია, რომ თუ მელია მიიღეს ევროკავშირის მიერ მისი გირაოს დაფარვის შეთავაზებას, იქნება სწორი, რადგან ევროკავშირის მიერ გირაოს დაფარვა ნიშნავს იმას, რომ ევროკავშირი აღიარებს მელიას პოლიტიკურ პატიმრობას. ეს შექმნის სივრცეს იმისთვის, რომ ამნისტიის კანონპროექტი არ იქნება სწრაფად მისაღები აუცილებლობა, მელიას გასათავისუფლებლად", — განაცხადა სალომე სამადაშვილმა.

რაც შეეხება ამნისტიის კანონს, სამადაშვილი ამბობს, რომ იგი არ უნდა არღვევდეს დაზარალებული მოქალაქეების უფლებებს.

"მე ასე მესახება, რომ ვაგრძელებთ მუშაობას კანონპროექტზე და შემდეგ ვნახოთ როგორ ჩამოყალიბდება პოზიციები. ხაზგასმით მინდა ვთქვა, რომ არანაირი ამნისტიის კანონი არ უნდა არღვევდეს დაზიანებული მოქალაქის უფლებაა რომ მომავალში თავისი უფლება დაიცვას. ეს ესმის ქართულ ოცნებასაც", — განაცხადა სალომე სამადაშვილმა.