"ნუ გავუსწრებთ მოვლენებს", — ასე პასუხობს კითხვას ყოფილი პარლამენტის თავმჯდომარის, არჩილ თალაკვაძის შესაძლო მერობის კანდიდატობაზე ქართული ოცნების დეპუტატი ალუდა ღუდუშაური.

"ნუ გავუსწრებთ მოვლენებს. ბატონი არჩილ თალაკვაძის კანდიდატურა განიხილება ვიცე სპიკერის თანამდებობაზე, დავამტკიცებთ და ავირჩევთ. ბატონი არჩილ თალაკვაძე არის ჩვენი გუნდის ერთ-ერთი გამორჩეული ლიდერი, ისევე როგორც კახა კუჭავა და სხვა ლიდერები. მინდა გითხრათ და ოპოზიცია დავამშვიდო, რომ თავი დაანებონ ერთგვარ კეკლუცობებს და ბავშვური კომენტარების გაკეთებისგან თავი შეიკავონ. მინდა შევახსენო ყველას, რომ ქართული ოცნება არის ის გუნდი, რომელიც ნამდვილად მდიდარი არის ლიდერებით და ლიდერების სიმცირეს არ განიცდის", — განაცხადა მან.

მისივე თქმით, არჩილ თალაკვაძის გადაწყვეტილება გადადგომასთან დაკავშირებით მაღალი დემოკრატიული პრინციპებით იყო განპირობებული.

"ნეიტრალური თავმჯდომარე ნიშნავს, ნეიტრალურ თავმჯდომარეს. როგორც ჩვენთვის, ასევე, საზოგადოებისთვის კარგად არის ცნობილი, რომ ბატონი არჩილ თალაკვაძე იღებდა მონაწილეოას ხანგრძლივ მოლალარაკებების პროცესში. ამდენად, მაღალი დემოკრატიული პრინციპიდან გამომდინარე ბატონმა არჩილმა გამოთქვა სურვილი, რომელიც გუნდა გავიზიარეთ, რომ უმჯობესი იქნებიდა მხარეთა კიდევ უფრო კონსესუსისთვის და პოზიციების დაახლოებისთვის, რომელიც იქნება პარლამენტში სასესიო დარბაზში თუ კომიტეტებში, რომ მოხდეს მხარეთა მაქსიმალური კონსოლიდირება იმ გამოწვევებზე, რომელიც აწუხებს ჩვენს ქვეყანას და ამიტო, სწორედაც შეირჩა ბატონი კახა კუჭავას კანდიდატურა, რომელიც არის გამოცდილი პოლიტიკოსი, საერთშორისო მიმართულება ქონდა ჩაბარებული, რომელიც ძალიან წარმატებით იყო მთელი ამ ხნის განმავლობაში", — განაცხადა მან.

არჩილ თალაკვაძემ პარლამენტის თავმჯდომარის თანამდებობა შაბათს, 24 აპრილს დატოვა. ამის მიზეზი, მისი თქმით, ისაა, რომ მოლაპარაკებებზე მხარეს წარმოადგენდა, ხოლო პარლამენტის სპიკერი "ნეიტრალური უნდა იყოს". დღეს გავრცელდა ინფორმაცია, რომ, შესაძლოა, ის ქართული ოცნების მიერ თბილისის მერობის კანდიდატად იყოს წარდგენილი.