გია გაჩეჩილაძემ, უცნობმა ევროპის მოედანზე მდებარე ბერლინის კედლის ფრაგმენტი დააზიანა. მან გააკეთა წარწერა: "ღმერთი სიყვარულია".

On.ge დაუკავშირდა თბილისის მერიას, სადაც ამბობენ, რომ გაჩეჩილაძე ამ ქმედებისთვის დაჯარიმდება. სავარაუდოდ, ჯარიმა 1 000 ლარი იქნება, თუმცა ზუსტი ოდენობა მას შემდეგ გახდება ცნობილი, რაც ადგილზე მუნიციპალური ინსპექციის წარმომადგენლები მივლენ და დაზიანებას დააფიქსირებენ.

დღეს, 9 აპრილს უცნობმა ევროპის მოედნიდან, საპატრიარქოს გავლით, დედაენის ბაღისკენ აქცია-მსვლელობა გამართა. შეკრებილები ერთმანეთისგან განსხვავებულ გზავნილებს აჟღერებდნენ, მათ შორის იყო ოპოზიციის საწინააღმდეგო განცხადებები, ასევე, დადებითად მოიხსენიებდნენ საპატრიარქოს და შენობასთან მისულები სასულიერო პირებმა აკურთხეს კიდეც. გარდა ამისა, როგორც აქციის მონაწილეები, ასევე, გაჩეჩილაძე მედიას მუშაობაში ხელს უშლიდნენ, ჟურნალისტებს აყენებდნენ შეურაცხყოფას. აქციის ბოლოს, უცნობმა თქვა, რომ ქმნის საზოგადოებრივ ძალას, რომელიც "იტვირთებს სამოქალაქო კონტროლის ფუნქციას და არ დაუშვებს ქვეყნის ცივილიზებული განვითარების არჩევანიდან გადახვევას".