პარლამენტის თავმჯდომარის, არჩილ თალაკვაძის თქმით, მას აქვს პოზიტიური მოლოდინი, რომ ოპოზიის "ჯანსაღ" ნაწილთან შეთანხმება შედგება.

"გიორგი ვაშაძე ნამდვილად იყო ერთ-ერთი ის პოლიტიკოსი ოპოზიციიდან, რომელსაც, ვფიქრობ, ნამდვილად სურს ეს შეთანხმება შედგეს, ამიტომ ვფიქრობ, რომ რომ გაბედული ნაბიჯები უნდა გადადგას იმ კოლეგებთან ერთად, ვისაც აქვს ჯანსაღი დამოკიდებულება ამ დიალოგის ფარგლებში და ვინც ნამდვილად თვლის, რომ დემოკრატიისთვის და სახელმწიფო ინსტიტუტებისთვის ძირის გამოთხრა ეს არ არის გამარჯვება ოპოზიციისთვის, ეს არის არის გამარჯვება ქვეყნისთვის. მე კიდევ ერთხელ ვამბობ, ჩვენ მზად ვართ პრინციპულად, რომ ოპოზიციის თუნდაც ჯანსაღ ნაწილთან განვიხილოთ შეთანხმების ნაწილი, თუ ისინი გადახედავენ პოზიციას, რომელიც ჰქონდათ ბოლო დიალოგში. [...] მე მაქვს პოზიტიური მოლოდინი, რომ ეს შეთანხმება შესაძლებელია შედგეს ოპოზიციის თუნდაც ჯანსაღ ნაწილთან", — განაცხადა თალაკვაძემ.

როგორც სტრატეგია აღმაშენებლის ლიდერმა, გიორგი ვაშაძემ გუშინ გადაცემა დღის ნიუსში განაცხადა, მომავალი კვირიდან მოლაპარაკებების პროცესში სიახლეებია მოსალოდნელი. მისი თქმით, შარლ მიშელის მედიაციით საბოლოო დოკუმენტი უნდა შედგეს, ეს კი, შესაძლოა, დოკუმენტის ახალი შინაარსიც იყოს.

მან ამავე ეთერში განაცხადა, რომ თუ მესამე რაუნდი ჩაინიშნა, ის შეთანხმებით დამთავრდება.