ლელოს ლიდერის, ბადრი ჯაფარიძის განცხადებით, არავინ უნდა იფიქროს, რომ ხელისუფლებასა და ოპოზიციას შორის მოლაპარაკებები შეწყდა.

"ჩვენ გვაქვს მუდმივი კონტაქტი ჩვენი სტრატეგიული პარტნიორი ქვეყნების ელჩებთან, ფასილიტატორებთან, ამ წუთას რაიმე კონკრეტული თარიღი, ვადა შეუძლებელია განისაზღვროს, როდის იქნება შემდეგი ეტაპი ამ მოლაპარაკებების, მაგრამ ფაქტია, რომ ბრიუსელი, ვაშინგტონი, ჩვენი უახლოესი სტრატეგიული პარტნიორები, ისინი ამ პროცესში ჩართულები არიან, ერთი წუთით არ უნდა იფიქროს ვინმემ, რომ პროცესი შეწყდა და მოლაპარაკებები ჩაიშალა საბოლოოდ. არა, რა თქმა უნდა. ჩვენ გავაგრძელებთ ძალისხმევას ოპოზიციის მხრიდან იმისთვის, რომ საბოლოოდ, ხუთივე პუნქტზე მოხდეს შეჯერება", — განაცხადა ჯაფარიძემ.

როგორც სტრატეგია აღმაშენებლის ლიდერმა, გიორგი ვაშაძემ გუშინ გადაცემა დღის ნიუსში განაცხადა, მომავალი კვირიდან მოლაპარაკებების პროცესში სიახლეებია მოსალოდნელი. მისი თქმით, შარლ მიშელის მედიაციით საბოლოო დოკუმენტი უნდა შედგეს, ეს კი, შესაძლოა, დოკუმენტის ახალი შინაარსიც იყოს.

მან ამავე ეთერში განაცხადა, რომ თუ მესამე რაუნდი ჩაინიშნა, ის შეთანხმებით დამთავრდება.