რუსთავში ნაციონალური მოძრაობის წევრი, გიორგი მღებრიშვილი დაჭრეს. როგორც On.ge-ს პარტიის წარმომადგენელმა, დავით კირკიტაძემ უთხრა, ის ცივი იარაღით, ბარძაყის არეში დაჭრეს და ნერვი და არტერია დაზიანებული არ არის. კირკიტაძე ამბობს, რომ მღებრიშვილს დაზიანება სამსახურებრვი უფლებამოსილების განხორციელების დროს, ქართული ოცნების მხარდამჭერმა მიაყენა.

"ღმერთს მადლობა და რუსთაველ ექიმებს, რომ მათი ოპერატიული ჩარევის შედეგად, რამდენიმე წუთში დასრულდება ოპერაცია ყველაფერი კარგად არის. დაჭრეს ცივი იარაღით, საკუთარი უფლებამოსილების განხორციელების პროცესში. შელაპარაკება მოვიდა ქართული ოცნების აქტიურ მხარდამჭერთან. საქმე ეხებოდა რუსთავში კორპუსის ამხანაგობებს თავმჯდომარეების არჩევას. როგორც ყველა სხვა არჩევნებში, ქართული ოცნება ძალადობს აქაც მოქალაქეებზე და მათთვის სასურველი კანდიდატების გაყვანა უნდათ. გიორგი მოუწოდებდა, რომ ეს არჩევნები მაინც ჩაეტარებინათ პატიოსნად და როგორც მოქალაქეებს სურთ. ამის ნიადაგზე მოდა კონფლიქტი და ცივი იარაღითაა დაჭრილი გიორგი, ერთი ჭრილობა აქვს", — ამბობს კირკიტაძე.

შსს-ში კი On.ge-ს უთხრეს, მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.