ქართული ოცნების დეპუტატი, ლადო კახაძე ამბობს, რომ პირბადის ტარების წესის დარღვევისთვის საჯარიმო სანქციებიც აქვთ, ამიტომ "გაჭირვება თუ იქნა", იძულებულები იქნებიან "ყურის აწევის ფორმას" მიმართონ. ამის შესახებ მან პარლამენტში სიტყვით გამოსვლისას ისაუბრა.

"ჩვენ საჯარიმო სანქციებიც გვაქ, არ გამიმახვილებია ყურადღება ამ წუთას მაგრამ, რაღაცა გაჭირვება თუ იქნა, იძულებული ვიქნებით, რომ ყურის აწევის ფორმას მივმართოთ, ამიტომ ნუ გაიხდით საქმეს კანონთან დაპირისპირების ფორმაში", — თქვა მან.

მისი თქმით, ამაყობდა, რომ პირბადის ტარების მაჩვენებელი 70%-ზე იყო ასული, თუმცა ბოლო მონაცემებით 42%-ზე რომ ჩამოსულა, "საწყენია". კახაძე ამბობს, რომ ამ ქვეყნის შვილებს "საქმის გაიოლება" არ შეგვშვენის.