ევროპელი სოციალისტების ერთ-ერთმა ლიდერმა, დავით ზილფიმიანმა პარლამნეტის პლენარულ სხდომაზე გამოთქვა ინიციატივა განათლებისა და მეცნიერების სამინისტროს ეწოდოს მეცნიერებისა და და განათლების სამინისტრო.

"უფრო უპრიანი ხომ არ არის საქართველოს განათლებისა და მეცნიერების სამინისტრო იწოდებოდეს საქართველოს მეცნიერებისა და განათლების სამინისტროდ, იმიტომ, რომ უფრო მეტ ქვეყანაში, სადაც ეს ორი სამინისტრო ერთად არის, ჯერ მეცნიერებაა და ჟღერადობისთვისაც უფრო უკეთესია", — განაცხადა ზილფიმიანმა.

ზილფიმიანმა პლენარულ სესიაზე ზოგადად, მეცნიერების სფეროზე ისაუბრა და განაცხადა, რომ "ღვაწლმოსილ მეცნიერებს" ანაზღაურება უნდა გაეზარდოთ.

"ღვაწლმოსილი მეცნიერის ხელფასი როგორ შეიძლება, რომ 20%-ზე მეტად ჩამორჩებოდეს თუნდაც ჩვენს, პარლამენტარების ხელფასს და ამ დროს ის, ხშირად, 200%-ით ჩამორჩება", — აცხადებს ზილფიმიანი.

ზილფიმიანმა ეს განცხადებები განათლების, მეცნიერების, კულტურისა და სპორტის სამინისტროდან კულტურისა და სპორტის კომპონენტების გამოყოფის განხილვისას გააკეთა. დღესვე, პარლამენტმა აღნიშნული სამინისტროს გაყოფას მხარი დაუჭირა.