მოქალაქეების ლიდერი, ლევან იოსელიანი აცხადებს, რომ წინა შეხვედრებთან შედარებით, ოპოზიცია ბევრად უფრო "მომწიფებულია", რათა კომპრომისულ ნაბიჯზე წავიდეს. ამის შესახებ მან TV პირველის ეთერში ისაუბრა.

"დღევანდელი შეხვედრაც და წინა შეხვედრაც, რომელსაც დავესწარი... დამრჩა შთაბეჭდილება, რომ ოპოზიცია ბევრად უფრო მომწიფებული არის იმისთვის, რომ კომპრომისული ნაბიჯები გადადგას და გაიაზროს ის რეალობა, რა რეალობაშიც არის ქვეყანა. ყოველ შემთხვევაში, მე აღარ მომეჩვენნენ ისეთი რადიკალურები, როგორიც წინა რაუნდებზე", — ამბობს იოსელიანი.

ევროპული საბჭოს პრეზიდენტი, შარლ მიშელი საქართველოში 28 მარტს ჩამოვიდა. 1-ელ მარტს, მან ოპოზიციონერ ლიდერებთან და ქვეყნის პრემიერმინისტრთან, ირაკლი ღარიბაშვილთან ერთობლივი შეხვედრა გამართა. შეხვედრაზე იმსჯელეს ქვეყანაში პოლიტიკური პროცესების გაჯანსაღების 6-პუნქტიან გეგმაზე.

ქვეყნის დატოვების შემდეგ, მიშელმა გადაწყვიტა საქართველოში პირადი წარმომადგენელი გამოეგზავნა, რომელიც მმართველ პარტიასა და ოპოზიციას შორის მედიაციის პროცესში ჩაერთვებოდა. ევროპული საბჭოს განცხადებაში ვკითხულობთ, რომ შუამავლის საქართველოში მივლინება ევროკავშირის უმაღლეს წარმომადგენელთან, ჟოზეფ ბორელთან შეთანხმებით, საქართველოში ევროკავშირის მიერ მხარდაჭერილი შუამავლობისა და პოლიტიკური დიალოგის პროცესის ფარგლებში გადაწყდა.

კრისტიან დანიელსონი საქართველოში 12 მარტს ჩამოვიდა. იგი უკვე შეხვდა პრეზიდენტს, პრემიერმინისტრს, ქართული ოცნებისა და ოპოზიციის, ასევე, არასამთავრობო ორგანიზაციების წარმომადგენლებს.

გაიგეთ მეტი: