15 მარტიდან კორონავირუსის საწინააღმდეგო ვაქცინაციას NCDC-ის დირექტორის მოადგილე, პაატა იმნაძის მსგავსად საჯაროდ ცნობილი ექიმებიც ჩაიტარებენ.

კერძოდ, AstraZeneca-ს ვაქცინით აიცრება, ინფექციური საავადმყოფოს სამედიცინო დირექტორი, მარინა ეზუგბაია, თბილისის ინფექციური საავადმყოფოს ბოქსირებული განყოფილების ხელმძღვანელი, მარინა ენდელაძე. ასევე, ექიმები გუგა ქაშიბაძე, თამარ გიორგაძე და სხვები.

15 მარტს, 10:00 საათზე, COVID-19-ის საწინააღმდეგო ვაქცინაციას ჩაიტარებენ ექიმები: ზაზა კაციტაძე, ლევან ვაშაკიძე და ლევან გოფოძე. ასევე, ექიმი პედიატრი ივანე ჩხაიძე.

ვაქცინაციაში ხვალვე ჩაერთვებიან:

  • აჭარის ჯანდაცვის მინისტრი, ნინო ნიჟარაძე;
  • საზოგადოებრივი ჯანდაცვის ხელმძღვანელის მოადგილე, ნონა ეფაძე;
  • ბათუმის რესპუბლიკური საავადმყოფოს დირექტორი სოლომონ ფუტკარაძე და ექიმი ილია ნაკაშიძე.

ქუთაისში:

  • კარდიოქირურგი, კარდიოდეპარტამენტის ხელმძღვანელი, ნიკა ვაშაყმაძე და ინტერვენციული მედიცინის ცენტრის რეანიმაციული განყოფილების უფროსი, თედო ფურცხვანიძე.

კახეთში, რეფერალური ჰოსპიტალის ექიმები ზეინაბ მგელიაშვილი და დარინა მაჭავარიანი.

ჯანდაცვის სამინისტროში აცხადებენ, რომ COVID-19-ის საწინააღმდეგო ვაქცინაციის ელექტრონულ სისტემაში ვიზიტი ამ დროისათვის 1 449 მედპერსონალს აქვს დაჯავშნილი. მათივე თქმით, რეგისტრაცია შეუფერხებლად მიმდინარეობს.

AstraZeneca-ს ვაქცინის 43 200 დოზა საქართველოში 13 მარტს ჩამოიტანეს.

ჯანდაცვის მინისტრმა, ეკატერინე ტიკარაძემ 11 მარტს განაცხადა, რომ საწყის ეტაპზე აიცრება 43 200 ადამიანი და რადგან ეს ვაქცინა 2 დოზით კეთდება, მეორე დოზას აცრილები გაიკეთებენ მაშინ, როცა დამატებითიც შემოვა. მისი თქმით, იციან დროის მონაკვეთი, როცა გარანტირებულად მიიღებენ მეორე დოზებს და აქვთ დასტური, რომ შემოტანა გარანტირებულად მოესწრება.

მანვე აღნიშნა, პირველ რიგში აიცრებიან ექიმები და შემდეგ რისკჯგუფები. მისივე თქმით, გადანაწილება თავდაპირველად დიდ ქალაქებში მოხდება.

გაიგეთ მეტი: