ქართველი ჩოგბურთელი, ნიკოლოზ ბასილაშვილი დოჰას ტურნირის ფინალში გავიდა. მან ამერიკელი ტეილორ ფრიცი ანგარიშით 7-6(3), 6-1 დაამარცხა. ამის შესახებ ინფორომაცია ცოტა ხნის წინ, პროფესიონალ კაც ჩოგბურთელთა ასოციაციამ, ტვიტერის ოფიციალურ გვერდზე გაავრცელა.

შეგახსენებთ, რომ ბასილაშვილმა გუშინ, 11 მარტს ლეგენდარული ჩოგბურთელი, როჯერ ფედერერი დაამარცხა.

საქართველოს ისტორიაში ყველაზე წარმატებულ ჩოგბურთელს ყოფილი ცოლი, ნეკა დოროყაშვილი ძალადობაში ადანაშაულებს. ნიკოლოზ ბასილაშვილს არასრულწლოვანი შვილის თანდასწრებით ყოფილ ცოლზე ძალადობაში ედება ბრალი. მას თბილისის საქალაქო სასამართლომ 100 ათასი ლარის ოდენობის გირაო შეუფარდა. სპორტსმენი დანაშაულს არ აღიარებს. ამასთან, შემაკავებელი ორდერია გამოცემული როგორც ჩოგბურთელის, ისე მისი მშობლების მიმართ.

პროკურატურის ინფორმაციით, ბასილაშვილმა ყოფილ ცოლს ფიზიკური შეურაცხყოფა გასული წლის 21 მაისს მიაყენა, მეორე დღეს კი ის დააკავეს. საქმის შესწავლა დაიწყო სახალხო დამცველმაც.