ტელეკომპანია იმედის განცხადებით, იმედი და ჰოლდინგში შემავალი მაესტრო და GDS მაუწყებლობას დროებით ვერ ახერხებენ. ამის შესახებ მათ ოფიციალური განცხადება გაავრცელეს.

"სამწუხაროდ, ტელეკომპანია იმედი და იმედის ჰოლდინგში შემავალი მაესტრო და GDS ჯერჯერობით ვერ ახერხებენ მაუწყებლობის განახლებას. სერვერები დაუდგენელი მიზეზით გამოვიდა მწყობრიდან", — ნათქვამია განცხადებაში.

მათი თქმით, ტექნიკური სამსახური ცდილობს მაუწყებლობისა და სამუშაო პროცესის აღდგენას და არხი ეთერში დაბრუნდება პირველივე შესაძლებლობისთანავე.